Skip to main content

रेल कारखाना के मामला गरमाएल

By
मढ़ौरा के डीजल इंजिन रेल कारखाना आओर मधेपुरा के इलेक्ट्रिक इंजिन रेल कारखाना के बिहार सं बाहर ल जाए के मामला गरमा रहल अछि. ई एहन मुद्दा अछि जेहि पर बिहारक लोक सभ के बीच एकटा बहस शुरू भs गेल अछि. पार्टी के नेता सभ के बीच सेहो हलचल शुरू भs गेल अछि. एहि मुद्दा पर नेता सभ लोक सभ के अपना दिस करय मे जुटि गेलाह .
बिहार के लेल ई एकटा बड़का संवेदनशील मु्द्दा अछि. ई जानि पूर्व रेल मंत्री आओर आरजेडी प्रमुख लालू प्रसाद यादव बुध दिन रेल मंत्री ममता बनर्जी सं मुलाकात कएलखिन्ह. अपन चिंता सं अवगत करएलखिन्ह. ममता बनर्जी एहि तरहक कोनो कोशिश... गप सं इनकार कएलखिन्ह.
बीजेपी सेहो एहि मु्द्दा के जोर-शोर सं उठाबय मे लागि गेल अछि. बीजेपी के त कहनाय अछि जे अगर मढौरा... छपरा आओर मधेपुरा रेल कारखाना के कतहुं आओर लs जाए के कोशिश कएल त बिहार सं दोसर राज्य के एकोटा ट्रेन के गुजरय नहि देल जाएत.
बिहार के रेल परियोजना के राज्य सं बाहर ल जाए के कोशिश के राज्य मे विरोध. एहि मुद्दा पर सभ पार्टी एकजुट.
राज्य मे कई साल सं लम्बित पड़ल दोसर रेल परियोजना के जल्दी पूरा कराबय लेल सेहो पार्टी मोर्चा खोलि देलक अछि. पार्टी एहि के लेल सभ पार्टी के सांसद के एकजुट करय मे लागि गेल अछि. बीजेपी के राज्य उपाध्याक्ष रामेश्वर चौरसिया त सीधा प्रधानमंत्री मनमोहन सिंह सं पुछलथिन्ह... कि बिहार... भारत के हिस्सा अछि कि नहि ? देश के विकास मे बिहार के योगदान अछि कि नहि ? कि केंद्र के बिहार के प्रति कोनो दायित्व अछि कि नहि ? अगर अछि त फेर रेल कारखाना... परियोजना के बाहर लs जाए के बात किएक भs रहल अछि. बिहार मे जे चारिटा मेगापुल डेहरी... मुंगेर... पटना आओर निर्मली मे बनय वाला छल ओकर कि भेल ? अखन धरि किएक नहि बनल ? हरनौत कारखाना के कि भेल ?
ओम्हर मुंगेर मे अपन धन्यवाद यात्रा के दौरान उपमुख्यमंत्री सुशील कुमार मोदी जी कहलखिन्ह जे बिहार के कोनो रेल परियोजना के बाहर ल जाए के कोशिश के गंभीर परिणाम भ सकैत अछि. बिहार के लोक एकरा बर्दाश्त नहि करत . मोदीजी सेहो कहलखिन्ह ई जे रेल परियोजना सभ के बंगाल ल जाए के साजिश भ s रहल अछि राज्य सरकार सेहो ओकर कड़ा विरोध करत. एकरा रोकय लेल जे सभ जरूरी होएत कएल जाएत. सभ तरहक कुर्बानी देबय लेल बीजेपी तैयार अछि.
एकटा बात नीक अछि जे एहि मुद्दा पर बिहार के सभ पार्टी एकजुट भs रहल अछि. पार्टी सभ के कहनाय अछि जे ई बिहार के लोक के भावना सं खेलनाय अछि. लालूजी के पार्टी के कहनाय अछि जे हम एहि तरहक कोनो काज नहि होबय देब ओतय पूर्व रेलमंत्री रामविलास पासवान जीक पार्टी के कहनाय अछि जे एलजेपी एहि तरहक कोनो कदम के कड़ा विरोध करत. बिहार के लोक अपन उपेक्षा आब आओर नहि सहत.
पिछला लेख:
बिहार से छीनो बंगाल को दो
बिहार के झटका 
Bookmark and Share
Add to Technorati Favorites Subscribe to me on FriendFeed
Labels:

Comments

Post a Comment

Popular posts from this blog

हमर विआह- 8

By
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
18 comments
Read more

फर्स्ट आउ छात्रवृत्ति पाउ

By
बिहार सरकार के तरफ सं एकटा छात्रवृत्ति योजना शुरू कएल गेल अछि. एहि मे एससी... एसटी, अल्पसंख्यक आओर अत्यंत पिछला वर्ग सं मैट्रिक मे फर्स्ट आबय वाला विद्यार्था के 10 हजार रुपया के छात्रवृत्ति देल जाएत. एकर शुरूआत मुख्यमंत्री नीतीश कुमार जी पटना मे किछ छात्र के 10 हजार रुपया के चेक द कएलखिन्ह. अहांके कि लगैत अछि कि ई एकटा नीक कदम अछि? कि एहि सं बेसि सं बेसि विद्यार्थी पढ़ाई-लिखाई के तरफ ध्यान देताह ? कि ई राज्य मे साक्षरता लाबय के दिशा मे नीक पहल अछि? आ फेर एकरो हाल दोसर योजना के जकां रहत? सरकार एहि सं पहिनहुं चरवाहा विद्यालय... साइकिल योजना... मिडडे मील नहि जाने कि कि चलाबैत अछि...कि एकरो हाल ओकरे जकां होएत? अहां सभ अपन-अपन विचार जरूर राखु आओर इहो बताउ जे शिक्षा क्षेत्र मे बेहतरी के लेल सरकार के आओर कि- कि करबाक चाही?   Mithila News Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati,Janki, Kosi, Purnea, Saharsa, Madhepur...
6 comments
Read more

सौभाग्य मिथिला : मैथिलीक अपन चैनल

By
मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...
21 comments
Read more