3 मई मैथिली दिवस

3 मई के मैथिली दिवस के रूप मे मनाबय के तैयारी चलि रहल अछि. 3 मई के ओना जानकी नवमी अछि आओर मिथिलांचल के लोक एहि जानकी नवमी के मैथिली दिवस के रूप मे मनाबय चाहैत छथिन्ह. एकरा लेल दरभंगा मे जोर-शोर तैयारी चलि रहल अछि. एहि अवसर पर कई ठाम सांस्कृतिक आओर दोसर कार्यक्रम करय के सेहो विचार अछि. विद्यापति सेवा संस्थान के तत्वाधान मे सेहो कार्यक्रम भs रहल अछि. संस्थान सं जुड़ल डॉ बैद्यनाथ चौधरी बैजू जी के कहनाय छनि जे जानकी दिवस पर मां जानकी के प्रतिमा लगाs हुनकर पूजा कएल जाएत आओर कई तरहक कार्यक्रम कएल जाएत. संस्थान के मुख्य कार्यक्रम महाराज महेश ठाकुर मिथिला महाविद्यालय मे होएत . हुनकर इहो कहनाय छलनि जे एहि मौका पर मिथिलाक विकास आओर मैथिलीक मुद्दा पर संगोष्ठी के आयोजन सेहो होएत. मैथिली दिवस के अवसर पर अखिल भारतीय मिथिला संघक तरफ सं ललित नारायण मिथिला विश्वविद्यालय छात्र यूनियन परिसर लालबाग मे सेहो सांस्कृतिक कार्यक्रम करय के विचार अछि.