नवका- पुरनका लेख सर्च करु...

मिथिलाक संजय झाजी भेलाह मालामाल

मिथिला के संजय झा अरबपति भs गेलाह. अहां के विश्वास नहि होएत मुदा ई एकदम सही अछि. मिथिलाक भागलपुर जिलाक सुल्तानगंज के संजय जी इंडियाक अरबपति क्लब मे शामिल भ गेलाह.

बाबा भोलेनाथक नगरी सुल्तानगंज के संजय झा जीके करीब सवा तीन सय करोड़ रुपया
मिलतन्हि. ई रुपया हुनका मोबाइल कंपनी मोटोरोला के बिकय के कारण मिलतन्हि.
Sanjay Jha

मोटोरोला दुनिया के एकटा प्रमुख मोबाइल कंपनी मे शामिल अछि. पिछला दिन एहि कंपनी के गूगल खरीद लेलक.

संजय झा जी एहि मोटोरोला कंपनी के सीईओ छथिन्ह. आब कंपनी बिक गेल अछि तं गूगल हिनका जगह दोसर अपन आदमी के राखत.

आब संजय जी एहि कंपनी सं हटथिन्ह तेहि लेल गूगल हिनका सवा तीन सय करोड़ रुपया (6.6 करोड़ डॉलर) मुआवजा...गोल्डन पैराशूट के तौर पर देत.

संजय जी फिलहाल दुनिया मे सभ सं बेसि वेतन पाबय वाला लोक मे शामिल छथिन्ह. जेहि टाइम मे संजय जी मोटोरोला प्रमुख बनलखिन्ह ओहि टाइम हिनका कंपनी के किछ शेयर सेहो देल गेलन्हि. ओ शेयर करोड़ों डॉलर के अछि.

Sanjay Jha
संजय झा जीक जन्म 1963 मे सुल्तानगंज में भेलन्हि. संजय जी लिवरपूल यूनिवर्सिटी सं इंजिनियरिंग करला के बाद ब्रिटेन के स्टैथक्लाइड यूनिवर्सिटी सं इलेक्ट्रॉनिक्स आओर इलेक्ट्रिकल इंजिनियरिंग मे पीएचडी करलखिन्ह.

संजय जी 1991 मे विवाह बंधन मे बंधलखिन्ह आओर हिनका तीनटा पुत्र छनि. संजय जी फिलहाल अमेरिका के इलिनॉयस मे रहय छथिन्ह.


No comments:

Post a Comment

अहांक विचार/सुझाव...