नवका- पुरनका लेख सर्च करु...

दरभंगा, मधुबनी में बाढ़

अखन बरसात शुरूए भेल अ कि दरभंगा... मधुबनी में बाढ़िक हालात बनि गेल अछि. पूरा टाउन में पानि भरि गेल छै. बाइढ़क हाल छै. कई ठाम तs घर में पानि सेहो घुसि गेल अछि. शहर में चलनाय मुश्किल भs गेल छै. दरभंगा... मधुबनी के ज्यादातर इलाका में पानि भरल छै. दरभंगा में कादिराबाद सं लsक कटहलबाड़ी... बाकरगंज..लहेरियासराय आओर मधुबनी में गिलेशन बाजार... गदियानी... मिलन टाकीज सं गांधी चौक... महादेव मंदिर रोड... लहेरियागंज रोड सभ ठाम पानि भरला सं लोक के चलनाय फिरनाय दूभर भs गेल अछि. बाटा चौक के हाल तs आओर खराब अछि . चारु कात कादो पानि नजर आबैत अछि. लोक बेसि जरूरी काज पड़ले पर घर सं निकलैत छथि. अखने ई हाल अछि तs बाढ़िक समय में कि होएत अंदाजा लगा सकैत छी? ओना दरभंगा के प्रमंडलीय आयुक्त डॉ दीपक प्रसाद शहर के बाढि आओर जलजमाव सं बचाबय के लेल कार्य योजना पर काज शुरू करय के कहलथिन्ह अ. संगहि संग शहर के सुरक्षा तटबंध पर सेहो नजर राखय के आदेश देलथिन्ह अ.

1 comment:

  1. एसे ही जानकारी के बहाने हमें मिथिला भी समझना अच्छी तरह से आता जा रहा है। लिखते रहिए। साधुवाद।

    ReplyDelete

अहांक विचार/सुझाव...