नवका- पुरनका लेख सर्च करु...

मिल्लत कॉलेज स्वर्ण जयंती समारोह

दरभंगा में मिल्लत कॉलेज के स्वर्ण जयंती समारोह मनाबल गेल. समारोह के उद्घाटन केंद्रीय गृहराज्य मंत्री शकील अहमद आओर अध्यक्षता केंद्रीय मानव संसाधन राज्यमंत्री मो. अली अशरफ फातमी कएलाह. एहि अवसर पर डॉ शकील अहमद के कहनाय छलन्हि जे मुसलमान के ई शिकायत रहय छन्हि जे हुनका संग भेदभाव भs रहल छन्हि. एहि भेदभाव के खत्म करय के एकेटा तरीका अछि जे ओ मेहनत कए तालीम हासिल करय आओर अपन मंजिल हासिल करय...मुकाम हासिल करय. ओ अपील कएलथिन्ह जे अपन आर्थिक आओर शैक्षणिक पिछड़ापन के दूर करय लेल मुसलमान के खुद आगां आबय पड़त. गृह राज्य मंत्री के साफ कहनाय छलन्हि जे मुसलमान के तरक्की तखने संभव अछि जखन ओ मेहनत करताह...तालिम हासिल करताह.
डॉ. साहेब के कहनाय छलन्हि जे मिल्लत कॉलेज के जे रुतबा पहिने छल आब ओ रूतबा नहिं रहल अछि एकरा फेर सं पाबय लेल कॉलेज के कोशिश करबाक चाही. शहर के बुद्घिजीवी सभ के चाही जे ओ एहन माहौल बनाबैत जाही सं कॉलेज के नाम फेर सं रौशन भs सकय.
एहि मौका पर फातमी जी शिक्षा के विकास के लेल शुरू कएल गेल कार्यक्रम के बारे में बतौलन्हि. हुनकर इहो कहनाय छलन्हि जे मिल्लत कॉलेजक हॉस्टल बनाबय के लेल विश्वविद्यालय अनुदान आयोग...यूजीसी सं 60 लाख रुपया देल गेल अछि.

कोई टिप्पणी नहीं:

एक टिप्पणी भेजें

अहां अपन विचार/सुझाव एहिठाम लिखु