नवका- पुरनका लेख सर्च करु...

राज ठाकरे के पीठ पर कांग्रेस के हाथ !

महाराष्ट्र में राज ठाकरे के सेना बेकाबू भS रहल अछि ... आओर अखन तक राज ठाकरे के गिरफ्तारी नहिं भेला सं लोकक मन में ई सवाल घुमड़ि रहल अछि कि कहीं राज ठाकरे के पीठ पर कांग्रेसक हाथ त नहिं अछि. राजनीति में किछुओ संभव अछि. अपन गोटी फिट बैठाबय के लेल कांग्रेस ई खेल खेल सकैत अछि. आखिर कांग्रेस सरकार के कि प्रॉब्लम छै जे ओ राज ठाकरे के गिरफ्तारी सं बचय चाहय छै ? आखिर हिंसा... तोड़फोड़ पर ऊतारु महाराष्ट्र नवनिर्माण सेना के कार्यकर्ता के खिलाफ कार्यवाई किएक नहिं भS रहल अछि ? एकटा बात पर सेहो ध्यान देबय पड़त जे राज ठाकरे अपन बयान में मुख्यमंत्री विलासराव देशमुख के प्रशंसा कएलथिन्ह अ. देशमुख जी के परेशानी इहो छैनि जे शरद पवार के पार्टी एनसीपी नहिं चाहय छै जे राज ठाकरे के खिलाफ कोनो कार्रवाई होय. शरद पवार के जानय छिअई कि नहिं ? अपन केन्द्रीय कृषि मंत्री छथिन्ह. मुदा हिनकर बेसि समय अपन मंत्रालय सं बेसि क्रिकेट में बितय छैनि. आखिर ई भारतीय क्रिकेट कंट्रोल बोर्ड... बीसीसीआई के अध्यक्ष जे छथिन्ह. देश में किसान आत्महत्या करैत रहौ... हिनका कोनो फर्क नहिं पड़ैत छनि... देश में करोड़ों रुपया के सड़ल... महंगा गेंहु दोसर देश सं मंगाल जाय... मुदा देश के किसान के सही दाम नहिं मिलबाक चाही. ईहे हिनकर फंडा छैनि. किसान भाई के हालत खराब छनि मुदा हिनका किछ देखाय-सुनाय नहिं पड़ैत छनि. राज ठाकरे मामला पर हिनकर पार्टी नहिं चाहय छथिन्ह कि हुनका खिलाफ एकोटा कदम उठावल जाय.
आखिर ई सभ किएक भS रहल छै ? कांग्रेस- एनसीपी के यूपीए सरकार किएक नहिं चाहय छै जे अगला किछ दिन तक राज ठाकरे के खिलाफ कार्रवाई होय ? आखिर किएक मुम्बई के बाद दोसरो इलाका में उत्तर भारतीय पर हमला होय के बादों सरकार सुतल छै ? मुम्बई के बाद आब पुणे... नासिक... कल्याण जैसन कइटा इलाका में उत्तर भारतीय के संग मारि पीट कएल गेल अ. घर सं निकालि कS सामान सभ तोड़ि देल गेल... लोकक के मारल पिटल गेल. जीवन भरि के कमाई नष्ट कs देल गेल. लोकक दोकान... झोपड़ी... टैक्सी... मोटर साइकल तोड़ि देल गेल. अपन सभ किछ छोड़ि ओ महाराष्ट्र सं भागि रहल छथिन्ह. हुनका सभ के देखय वाला कोई नहिं छैनि. बस में... ट्रेन में ... रास्ता पर लोक के रोकि के नाम... गाम पूछि मारल पीटल जा रहल अछि. मुदा केन्द्र में यूपीए सरकार के समर्थन देय वाला बिहार... यूपी... उत्तर भारत के नेता ... मंत्री सभ किछ नहिं कs रहल छैथि. कि हिनकरो नींद तखने खुलत जखन सभ गोटे महाराष्ट्र छोड़ि... अपन रोजी रोटी छोड़ि वापस अपन गाम चलि जयताह. आखिर उत्तर भारतीय नेता सभ एनसीपी... कांग्रेस पर दबाव किएक नहिं बना रहल छथिन्ह. हुनकर कि मजबूरी छैनि ? कि एहि बल पर ओ बिहार... यूपी में राज करय चाहय छथिन्ह ? हम यूपी- बिहार के बात एहि लेल कs रहल छी कि ओहि ठाम सं भागल वाला बेसि लोक बिहार- यूपी के छथिन्ह. हिनकर विपत्ति में सुधि नहिं लेबय वाला नेता सभ कोन मुंह लsक हिनका पास जयथिन्ह. सवाल फेर ओहि उठय छै जे आखिर यूपीए सरकार के परेशानी कि छै ?
असल में महाराष्ट्र में कांग्रेस के सरकार अपना बल पर नहिं बनल छै. सरकार के एनसीपी के समर्थन छै. महाराष्ट्र में तीनटा पार्टी के मजबूत आधार छै. कांग्रेस...शिवसेना आओर एनसीपी. शिवसेना में आब दु फाड़ भ गेल छै. बाल ठाकरे के शिवसेना आओर राज ठाकरे के महाराष्ट्र नवनिर्माण सेना. मुदा महाराष्ट्र नवनिर्माण सेना के पकड़ नहिं के बराबर छै. जखन कि बाल ठाकरे के शिवसेना के अखनो मजबूत पकड़ छै. कांग्रेस चाहय छै जे उत्तर भारतीय... मी मुम्बईकर के मु्द्दा उठाकय राज ठाकरे शिवसेना के वोट में सेंध लगाबय. अगर राज ठाकरे ई मुद्दा के गरमाबय में सफल रहय छथिन्ह तs ओ शिवसेना के सीट काटय में सफल रहता जकर नुकसान बाल ठाकरे के होयतन्हि आ फायदा कांग्रेस के. जतेक सीट के नुकसान शिवसेना के होयत ओतेक फायदा कांग्रेस के मिलत. उत्तर भारतीय के मुद्दा पर दुनु पार्टी... शिवसेना आओर महाराष्ट्र नवनिर्माण सेना लड़ैत रहता मुदा फायदा कांग्रेस के होयत. एहि लेल कांग्रेस चाहय छै जे जखन तक ई मामला पूरा तरहे गरमा नहिं जाय राज ठाकरे के गिरफ्तारी नहिं होय. अखन गिरफ्तारी कएला सं ओ फायदा नहिं मिलत जे दु चारि दिन बाद हिंसा... तोड़फोड़ बढ़ला के बाद होयला सं होयत. तखन राज ठाकरे पूरा तरहे मराठी लोक के बीच हीरो बनि गेल रहता. मराठी सभके लगतन्हि जे राज ठाकरे एकटा नेता छैन्हि जे हुनकर हित के बात करय छथिन्ह . आ ओ हुनकर गिरफ्तारी के विरोध में सड़क पर उतरि जयताह. सड़क पर उतरला का बाद शिवसेना के समर्थन करय वाला लोक महाराष्ट्र नवनिर्माण सेना के पक्ष में आबि जयताह. एना होयला पर कांग्रेस के मुराद पूरा होयत. शिवसेना के वोट जे एक ठाम जाइत छल ओ दु ठाम भs जायत. कांग्रेस के सीट किछ बढ़ि जाएत. यानी खेल पूरा राजनीति सs जुड़ल अछि. एहि लेल उत्तर भारतीय लोक के सेहो किछ दिन संभल कs रहय के जरूरत छनि. प्रतिक्रिया जताबय के जरूरत नहिं छनि. संयम बनाकय रहुं. पार्टी...नेता को बहकाबय में नहिं आउ. गाम- घर सं बाहर कमाबय लेल आएल छी. मारि...पीट... तोड़ फोड़ में शामिल नहिं होउ. काज सं काज राखु.

1 comment:

  1. i have seen your web page its interesting and informative.
    I really like the content you provide in the web page.
    But you can do more with your web page spice up your page, don't stop providing the simple page you can provide more features like forums, polls, CMS,contact forms and many more features.
    Convert your blog "yourname.blogspot.com" to www.yourname.com completely free.
    free Blog services provide only simple blogs but we can provide free website for you where you can provide multiple services or features rather than only simple blog.
    Become proud owner of the own site and have your presence in the cyber space.
    we provide you free website+ free web hosting + list of your choice of scripts like(blog scripts,CMS scripts, forums scripts and may scripts) all the above services are absolutely free.
    The list of services we provide are

    1. Complete free services no hidden cost
    2. Free websites like www.YourName.com
    3. Multiple free websites also provided
    4. Free webspace of1000 Mb / 1 Gb
    5. Unlimited email ids for your website like (info@yoursite.com, contact@yoursite.com)
    6. PHP 4.x
    7. MYSQL (Unlimited databases)
    8. Unlimited Bandwidth
    9. Hundreds of Free scripts to install in your website (like Blog scripts, Forum scripts and many CMS scripts)
    10. We install extra scripts on request
    11. Hundreds of free templates to select
    12. Technical support by email

    Please visit our website for more details www.HyperWebEnable.com and www.HyperWebEnable.com/freewebsite.php

    Please contact us for more information.


    Sincerely,

    HyperWebEnable team
    info@HyperWebEnable.com

    ReplyDelete

अहांक विचार/सुझाव...